Андижон шаҳридаги 14-умумтаълим мактабида 18 май, шанба куни соат 16:00 ларда кўнгилсиз ҳодиса юз берди. Бу ҳақда «Дарё» мухбири маълум қилмоқда.
Ушбу таълим масканининг 7-синфида ўқийдиган ўғил бола учинчи қаватдаги хоналарнинг биридаги деразадан унинг ёнидаги деразага ўтаётган вақтда эҳтиётсизлик сабаб пастга тушиб кетган.
Республика шошилинч тиббий ёрдам илмий маркази Андижон филиалининг нейро травматалогияси бўлимидан олинган маълумотларга кўра, С.Т.га қўшма жароҳат, бош мия ёпиқ шикастланиши, бош мия чайқалиши, чап томонлама мия қоринчасига қон қуйилиши, травматик шок 1,2-даража, иккала билак ва болдир суяклари пастки ўсувчи қисмларидан ёпиқ синиб силжиши, товон суяги ёпиқ синиши ташхиси қўйилган.
Изоҳ (0)