АҚШ президенти Дональд Трампннинг 2018 йилги даромади 421 миллион доллардан ошди. Бу ҳақда АҚШ Давлат органлари хизмат этикаси бошқармаси томонидан чоп этилган давлат раҳбари даромади тўғрисидаги маълумотларга таяниб, Bloomberg хабар берди.
Meduza’нинг ёзишича, Трампнинг активлари рўйхати 551 банддан иборат. Уларнинг аксариятида даромадларнинг аниқ суммаси эмас, фақат диапазони келтирилган. Шу сабабли CNBC ва CNN’нинг АҚШ президентининг даромадларини баҳолаши Bloomberg’никидан фарқ қилади. Мазкур ОАВлар ҳисоб-китобига кўра, ўтган йил давомида Трамп 434 миллон доллар атрофида даромад топган.
Ҳужжатлар кўчирмасидан маълум бўлишича, АҚШ президенти даромаднинг аксарият қисмини кўчмас мулклардан олган. Хусусан, Флоридадаги Mar-a-Lago курорти унга тахминан 23 миллион доллар, Вашинтондаги Trump International меҳмонхонаси салкам 41 миллион доллар, Майамидаги Trump National Doral гольф-курорти эса 76 миллион доллар атрофида даромад келтирган.
Дональд Трампнинг 2017 йилги даромади, Bloomberg’нинг баҳолашича, камида 452 миллон долларни ташкил этган эди.
Изоҳ (0)