АҚШнинг Boeing компанияси 737 Max самолётининг дастурий таъминотини тўлиқ янгилаганини эълон қилди, деб хабар берди «Корреспондент.net».
«Boeing 737 Max учун янгиланган дастурий таъминотни ишлаб чиқишни муваффақиятли якунлаб, симулятор ва муҳандислик синов рейсларини синовдан ўтказди. Ҳозирги вақтда компания ходимлари 360 соатдан кўпроқ вақт давомида учди ва 737 МАХда янгиланган MCAS дастурий таъминоти билан 207 та рейсларини амалга оширди», дейилади хабарда.
Компания шунингдек, қўшимча маълумотларнинг АҚШ фуқаролик авиацияси федерал идорасига юборилганлигини ва тадқиқот натижалари ҳақида тўлиқ маълумот берилишини маълум қилди. Сўров кўриб чиқилгач, компания синов учиш санасини белгилаш ва парвозларни сертификатлаш учун тўлиқ ҳужжатларни топшириш учун маъмурият билан ҳамкорлик қилишни ваъда қилади.
«Хавфсизлик бизнинг аниқ ва устувор мақсадимиз, шунинг учун дастурий таъминотни янгилаш учун барча синов муҳандислик рейсларини ўтказдик ва якуний сертификатлаш парвозига тайёргарлик кўрдик», — дейди компания раҳбари Дэннис Муйленбург.
Унинг сўзларига кўра, Boeing янгиланган дастурий таъминот билан 737 Max «дунёдаги энг хавфсиз самолётлардан бири бўлиши»га ишонади.
«Содир бўлган фалокатлар нафақат хавфсизлик, сифат ва ҳалоллик қадриятларига тарафдорлигимизни кучайтирди, чунки биз ҳаётимиз бизнинг ишимизга боғлиқлигини биламиз», — деди у.
Изоҳ (0)