Россия ФХХ «К» бошқармаси иккинчи бўлимини бошқарган полковник Кирилл Черкалинга нисбатан 850 минг доллар миқдорида пора олишда айблов эълон қилинди. Бу ҳақда Meduza хабар бермоқда.
Москва округ ҳарбий суди судьяси Олег Москвитинга кўра, Черкалин ушбу суммани тадбиркор Назаровдан 2012—2015 йилларда тижорий фирмага «кўз-қулоқ» бўлиб тургани учун олган.
Черкалин 25 апрель куни ҳибсга олинганди. У билан бирга икки собиқ ҳамкасби — Дмитрий Фролов ва Андрей Васильев ҳам ушланди. Улар жами 490 миллион рублга тенг миқдордаги фирибгарликда айбланмоқда.
Полковник ҳибсга олиниши юзасидан шикоятни кўриб чиққан суд уни озод қилишдан бош тортди.
Изоҳ (0)