АҚШ президенти Дональд Трамп 2018 йилда 5 миллион доллардан ортиқ ипотека кредити олган. Бу ҳақда Президент молиявий ишлари бўйича ҳукумат этикаси идорасининг ҳисоботида ёзилган, деб хабар беради «Zakon.kz».
Ҳар йиллик ҳисоботда 5 миллион доллардан 25 миллион долларгача олинган ипотека кредитлари ҳақида маълумот келтирилган.
Palm Beach Daily News газетасининг хабар беришича, кичик Дональд Трамп президентнинг синглисидан Флоридада жойлашган тўққиз хонали уйни 18,5 миллион долларга сотиб олган. Reuters агентлиги эса ушбу уйни сотиб олиш 11,2 миллион долларга тушганини билдирмоқда. Бироқ АҚШ президенти ўзининг солиқ декларациясини эълон қилмаслиги сабаб, кредитнинг айнан қанча қисми унинг ҳисобига тўғри келишини билишнинг имкони йўқ.
Ҳисоб-китобларга кўра, Дональд Трамп жами 14 та кредит олган ва уларнинг учтаси 50 миллион долларлик қийматдан юқори.
АҚШда жуда бадавлат инсонлар ҳам ипотека кредити олади. Бунга ипотека кредитларига нисбатан белгиланган фоизларнинг пастлиги сабаб бўлади. Масалан, Трампга Флоридадаги уй учун ажратилган кредит 4,5 фоиздан ажратилган.
Изоҳ (0)