16 май куни Huawei АҚШ Савдо вазирлигининг «қора рўйхат»ига тушгани ҳақида хабар берилган эди. Компания матбуот хизмати ушбу чеклов бўйича расмий ахборотни «Дарё»га тақдим этилди.
«Huawei 5G технологияси бўйича тенги йўқ етакчи ҳисобланади. Биз АҚШ ҳукумати билан музокараларни истаган ҳолда бунга тайёрлигимизни билдирамиз ва маҳсулот хавфсизлигини таъминлаш учун самарали чораларни кўришга интиламиз. Huawei компаниясининг АҚШда бизнес юритишини чеклаш АҚШни янада хавфсиз ёки кучли мамлакатга айлантирмайди, аксинча, бунинг ўрнига улар ўзларини бир қадар паст, айни вақтда қимматроқ муқобил технологиялар билан чегаралаб, АҚШни 5G тармоғини йўлга қўйиш бўйича орқада қолишига замин яратадилар, бу эса пировардида Америка компаниялари ва истеъмолчиларининг манфаатига зарар келтириши аниқ. Бундан ташқари, асоссиз чекловлар Huawei ҳуқуқларини бузади ва бошқа жиддий юридик саволларни ўртага олиб чиқиши мумкин», — дейилади Huawei компанияси ахборотида.
Изоҳ (0)