АҚШ президенти Дональд Трамп Эрон билан уруш бошлашни хоҳламайди. Бу ҳақда Пентагоннинг вақтинча раҳбари Патрик Шанаханга асосланиб, The New York Times газетаси хабар берди.
Эрон армияси Форс кўрфазидаги кемаларга ракеталарини ортгани ҳақида разведка маълумотлар пайдо бўлгани муносабати билан ўтказилган брифингда бу ҳақда маълум қилинган. Америка администрацияси аъзолари ушбу ҳаракатларни АҚШ ва унинг иттифоқдошларига қарашли ҳарбий кемаларга зарба беришга уриниш деб баҳоламоқда.
Икки мамлакат ўртасида кескинлик ўтган йилдан буён кучайган. Дональд Трамп АҚШ Эрон атом келишувидан чиқишини ва Теҳронга қарши санкцияларни қайта тиклашини билдирган эди.
16 май куни МcФаул ва Гонзалез ракета эсминецлари Эрон ислом инқилоби қўриқчилари корпуси кучлари қаршилигисиз Ормуз бўғозидан ўтган эди.
Изоҳ (0)