«Манчестер Юнайтед» 56 йил олдинги энг ёмон натижасини такрорлади

12 май, якшанба куни футбол бўйича Премьер Лиганинг сўнгги турида «Манчестер Юнайтед» ўз майдонида «Кардифф»га ютқазиб қўйди (0:2).

Мазкур учрашувнинг 23 ва 54-дақиқаларида «манкунианлар» ўз дарвозасидан тўп олиб чиқди.

Шундай қилиб «Юнайтед» жорий мавсум «Олд Траффорд»да кечган Премьер лига доирасидаги 19 та ўйинда 18 та тўп ўтказиб юборди ва атиги 2 та қуруқ ўйин ўтказди.

Gracenote Live’нинг хабар беришича, бу жамоанинг 1962/63 йилги мавсумдан бери дастлабки энг ёмон натижаси ҳисобланади. Ўшанда «қизил иблислар» чемпионатда худди шунча қуруқ ўйин ўтказганди.

Маълумот учун, Оле-Гуннар Сульшер шогирдлари жорий мавсумни 66 очко тўплаган ҳолда мусобақа жадвалида 6-ўринда якунлади.