Украинанинг амалдаги пезиденти Пётр Порошенко 2014 йилда Евромайдон чоғида содир этилган қотилликлар бўйича бош прокуратурага сўроққа келди, деб ёзади Meduza.
Бу ҳақда Украина бош прокуратурасининг махсус тергов бошқармаси бошлиғи Сергей Горбатюк маълум қилган.
«Менга маълум қилишларича, терговчилар сўроқ қилишни бошлаган. Эҳтимол, президент сўроқ қилиб бўлингандир», — деган Горбатюк.
Порошенко сўроқдан сўнг терговчиларга қайтадан кўрсатма берганини айтган.
«Умид қиламанки, менинг қўшимча саволларга берган жавобим терговни якунлашга ёрдам беради», — деб ёзган президент ўзининг Twitter’даги саҳифасида.
Украина бош прокуратураси Евромайдон иши бўйича Пороршенкони иккинчи марта сўроқ қилмоқда. Терговчилар уни биринчи марта 2016 йилнинг ноябрь ойида сўроқ қилган. Ўша пайтда мамлакат президенти бўлган Порошенко тергов баённомасига имзо қўйишдан бош тортган.
Аввалроқ Порошенко бош прокуратурага 2019 йилнинг 7 май куни чақирилган, бироқ у келмаган. Сергей Горбатюкнинг сўзларига кўра, президент суҳбатни 9 майга қўчиришга келишган.
Пётр Порошенко Владимир Зеленскийнинг инаугурацияга қадар президентлик лавозимида қолади. Зеленский 10 май куни Украина Олий Радасини инаугурацияни 19 майга белгилашга чақирган.
Изоҳ (0)