АҚШ президенти Дональд Трамп Politico нашрига берган интервьюсида яқинда КХДР томонидан ракеталар учирилганига муносабат билдирди. Бу ҳақда «РИА Новосити» хабар берди.
«Улар яқинга учувчи ракеталар, мен буни ишончни суиистеъмол қилиш деб баҳоламайман», — деган у ва айрим масалалар бўйича Шимолий Корея ҳаракатларини ишончни суиистеъмол қилиш деб баҳолаши мумкинлиги, лекин бу ҳол бундан мустасно эканлигини қўшимча қилган.
Аввалроқ Шимолий Корея Қуролли кучлари бош штаби бошлиқларининг бирлашган қўмитаси КХДР томонидан 9 май куни иккита реактив снаряд синовдан ўтказгани, улар 420 ва 270 километр масофа босиб ўтганини маълум қилган. Ракеталар Сино-Ри туманидаги базадан учирилган. Снарядлар Шимолий Корея ҳудудидан учиб ўтиб, Япон денгизига қулаган.
Корея марказий телеграф агентлиги учирилган ракета фотосуратларини эълон қилган. Шунингдек, КХДР етакчиси Ким Чен Ин мамлакат мудофаа қудратининг тезда жавоб бериш қобилиятини баҳолаш учун узоқ масофага учувчи қуроллардан фойдаланган ҳолда ҳарбий машқлар ўтказишни бошлаш ҳақида шахсан буйруқ чиқарган.
Мавзуга доир: Шимолий Корея 5 кун ичида иккинчи марта ракеталар учирди
Изоҳ (0)