2018 йил май ойида Тошкентнинг Учтепа тумани ҳокими лавозимига тайинланган Шуҳрат Отамуҳамедов вазифасидан озод қилинди. Бу ҳақда пойтахт маъмурияти «Газета.uz»га хабар қилди.
Бундан ташқари, тумандаги иккита сектор раҳбари — давлат солиқ инспекцияси бошлиғи ва ИИБ бошлиғи ҳам лавозимидан озод этилган.
Президент Шавкат Мирзиёев 10 май куни Учтепа тумани раҳбарияти ва маҳаллалар раислари, зиёлилар ҳамда мансабдор шахслар билан билан учрашган эди.
Президент матбуот хизматининг хабар қилишича, давлат раҳбари туманда саноат ишлаб чиқариши Тошкент шаҳри кўрсаткичидан икки баробар камлиги, бошқа соҳалар ҳам энг паст даражада эканини кўрсатиб ўтган эди.
Изоҳ (0)