Тошкентдаги ташландиқ ҳолга келиб қолган Дамаши каналининг 1 100 метр қирғоқбўйи Бош прокуратура ташаббуси билан сайлгоҳга айлантирилди. Бу ҳақда «Дарё» мухбири хабар берди.
Олмазор туманидаги Қорасарой кўчасидан Тараққиёт кўчасигача бўлган масофада жойлашган сайлгоҳ саккиз қисмдан иборат. Унда фавворалар, ресторан, амфитеатр, болалар ўйингоҳлари, Лувр, Эйфел, Пиза минораси каби жаҳон осори-атиқалари макетлари қурилиб, фойдаланишга топширилди.
«Анча йиллардан буён бу ерлар хароба бўлиб ётарди. Болаларимизни боғчага олиб боришга, катта кўчага чиқишга ноқулай эди. Бу жойлар обод қилинганидан хурсандмиз. Болалар ўйингоҳларидаги аттракционлар нархи ҳам маъқул», — дейди сайлгоҳ яқинида яшовчи Муқаддас Мирзаева.
Тадбиркор Илҳомжон Раҳимовнинг таъкидлашича, имтиёзли 800 миллион сўм кредит маблағлари эвазига ёшларни тадбиркорликка ўргатиш бўйича «Ёш тадбиркорлар» коворкинг маркази ташкил этган. Тикув цехи, мавсумий ошхонанинг ишга тушиши туфайли 260 нафар ёш ишли бўлган.
Сайлгоҳда аҳолига қулайлик яратиш мақсадида валюта айирбошлаш ва тўловларни амалга ошириш учун банк шохобчаси жойлаштирилган.
Изоҳ (0)