Тошкентда Европа кунлари муносабати билан 10 май куни «Юксалиш» умуммиллий ҳаракати Конрад Аденауэр жамғармаси билан ҳамкорликда «Европа ва Марказий Осиё: ҳамкорлик йўллари» мавзусида мунозара учрашувини ташкил этди. Бу ҳақда умуммиллий ҳаракат матбуот хизмати «Дарё»га маълум қилди.
Тадбирда Ўзбекистоннинг етакчи илмий марказлар, академик доиралар, вазирлик ва идоралар вакиллари ҳамда халқаро экспертлар иштирок этди.
Учрашувининг асосий маърузачиси сифатида Германиядан ташриф буюрган халқаро эксперт, Конрад Аденауэр жамғармасининг Европа ва халқаро ҳамкорлик бўйича Бош штабининг Европа, Шимолий Америка бўлими департаменти раҳбари – доктор Ларс Хензел чиқиш қилди.
Эксперт «Европа сиёсатининг долзарб масалалари ва чақириқлари» мавзусида тақдимот ўтказди.
Тадбир якунида Ўзбекистон ва Европа мамлакатлари, жумладан, Германия билан ҳамкорликни ривожлантириш юзасидан конструктив мулоқот бўлиб ўтди.
Изоҳ (0)