Тошкентнинг Олмазор туманидаги «Дамаши» каналининг узунлиги 1100 метр бўлган қирғоқ бўйида ободонлаштириш ишлари амалга оширилиб, «Сой бўйи» сайилгоҳи барпо этилди. Бу ҳақда Бош прокуратура матбуот хизмати маълум қилди.
Бу мақсадлар учун Бош прокуратура ҳузуридаги Мажбурий ижро бюросини ривожлантириш жамғармаси ҳисобидан зарур миқдорда маблағ ажратилди.
Канал қирғоқ бўйи минтақаси 7 та лотга бўлиниб, уларда тадбиркорлик субъектлари томонидан ресторанлар, дам олиш масканлари, коворкинг маркази, фитнес клуби ташкил этилди. Шунингдек, Эйфель, Пиза миноралари, Лувр пирамидаси ва бошқа шунга ўхшаш машҳур объектлар макетлари барпо этилди. Паркка туташ ҳудудда аҳоли учун қулай кутубхона очилди.
Жорий йил 9 май куни ушбу сайилгоҳнинг расмий очилиш маросими бўлиб ўтиб, Хотира ва қадрлаш куни муносабати билан фахрийлар учун байрам тадбири ўтказилди.
Изоҳ (0)