2019 йилнинг 27 апрель куни ўзбекистонлик Умиджон Абдувалиев мамлакатнинг Владивосток шаҳридаги бош консулхонасига иш ҳақи ва паспортини қайтаришда ёрдам сўраб, телефон орқали мурожаат қилди. Бу ҳақда ТИВ матбуот хизмати маълум қилди.
Аниқланишича, ушбу фуқаро 2018 йил ноябрь ойида Амур вилоятига келиб ишга жойлашган ва жорий йилнинг март ойига қадар ҳеч қандай муаммога дуч келмаган. Лекин март ойида иш берувчи билан келишмовчилик туфайли унга ойлик тўлашмаган, паспортини қайтариб беришни рад қилиб, ўз ҳаракатларини меҳнат патенти расмийлаштирилгани учун У. Абдувалиевнинг қарздор эканлиги билан изоҳлашган.
Бош консулхона бир неча марта музокаралар ўтказиб, мазкур масалани ижобий ҳал этишга муваффақ бўлди. Натижада У. Абдувалиевга паспорти ва ушлаб қолинган иш ҳақи қайтарилди. У темир йўл чиптасини сотиб олиб, 10 май куни Ўзбекистонга йўл олди
Изоҳ (0)