Иқтисодчи Антон Шабанов қатор давлатлар фаол равишда олтин сотиши, бошқа давлатлар бу олтинни катта ҳажмларда сотиб олиши сабабларига тўхталди.
World Gold Council маълумотларига кўра, 2019 йилнинг биринчи чорагида Ўзбекистон олтин савдоси бўйича дунёдаги етакчи давлатга айланди. Республика 6,2 тонна қимматбаҳо металл сотишга муваффақ бўлди. Бу кўрсаткичда иккинчи ўрин Мўғулистонга (3,4 тонна) тегишли бўлса, учликни 1 тонна олтин сотган Тожикистон якунлаган.
Антон Шабановнинг айтишича, фаол олтин савдоси давлат ўз олтин-валюта захираларини ислоҳ қилаётгани ёки унинг молиявий кўмакка муҳтожлигидан далолат беради.
Эксперт фикрига кўра, мураккаб иқтисодий вазиятда турган кўплаб мамлакатларда худди шундай тенденция кузатилади. Бу ҳолатда давлатлар захиранинг бир қисмини сотади ва тушган маблағларни ўзининг эҳтиёжларидан келиб чиққан ҳолда сарфлайди.
«Олтин — бу хатардан қочишдир, айни шароитда эса бу сиёсий хатардан қочиш ҳисобланади. Ахир бу қимматбаҳо металлни нархлар беқарорлигига қарамасдан ҳамиша харид қилиш ва сотиш мумкин», — деди Шабанов.
Жорий йил февраль—март ойларидан олтин нархи арзонлади, чунки пул тикишнинг янада қизиқарли ва даромадли йўллари топилмоқда, аммо бу ҳолат ҳамиша ўзгариб туради, дея таъкидлайди эксперт.
Изоҳ (0)