Ўзбекистон мусулмонлари идораси котибият мудири Муҳаммадаюб Ҳомидов Қуръони карим хатм қилинадиган таровеҳ намози бу йил нечта масжидда ўқилиши ва уни аҳолига тўғридан-тўғри, телевидение орқали кўрсатиш борасидаги режалар ҳақида маълум қилди.
«Рамазонда хатми Қуръон қилиш, таровеҳ намозлари ўқилиши юртимизнинг барокатларидан. Хатми Қуръонни бевосита масжидга бориб тинглаш, унда иштирок этиш ҳаммага ҳам насиб этмайди. Кимдир бетоблиги, кимдир мусофирлиги туфайли боролмай қолиши мумкин.
Баъзи мусулмон ўлкаларда бу жараён барча қатламни қамраб олиш мақсадида телевидение орқали тўғридан-тўғри эфирга узатилади. Бизда ҳам бу масала осонлик билан ҳал этилган. Тезкор интернет замонида яшаяпмиз. Айни вақтда ‘Muslim.uz’ сайти ва ‘Муслим ТВ ’орқали жойлардаги хатми Қуръонлар тўғридан-тўғри узатилмоқда», — дейди исломшунос олим.
Муҳаммадаюб Ҳомидовнинг таъкидлашича, ҳозирда хатми Қуръон републикадаги 1220 дан ортиқ масжидда ўқилмоқда ва уларнинг интернет саҳифалари орқали бу жараён бериб борилмоқда. Келгусида марказий телевидениеда ҳам намойиш этилса ажаб эмас.
Изоҳ (0)