Toshkentda Yevropa kunlari munosabati bilan 10-may kuni “Yuksalish” umummilliy harakati Konrad Adenauer jamg‘armasi bilan hamkorlikda “Yevropa va Markaziy Osiyo: hamkorlik yo‘llari” mavzusida munozara uchrashuvini tashkil etdi. Bu haqda umummilliy harakat matbuot xizmati “Daryo”ga ma’lum qildi.
Tadbirda O‘zbekistonning yetakchi ilmiy markazlar, akademik doiralar, vazirlik va idoralar vakillari hamda xalqaro ekspertlar ishtirok etdi.
Uchrashuvining asosiy ma’ruzachisi sifatida Germaniyadan tashrif buyurgan xalqaro ekspert, Konrad Adenauer jamg‘armasining Yevropa va xalqaro hamkorlik bo‘yicha Bosh shtabining Yevropa, Shimoliy Amerika bo‘limi departamenti rahbari – doktor Lars Xenzel chiqish qildi.
Ekspert “Yevropa siyosatining dolzarb masalalari va chaqiriqlari” mavzusida taqdimot o‘tkazdi.
Tadbir yakunida O‘zbekiston va Yevropa mamlakatlari, jumladan, Germaniya bilan hamkorlikni rivojlantirish yuzasidan konstruktiv muloqot bo‘lib o‘tdi.
Izoh (0)