УЕФА ташкилоти Европа Лигаси 1/2 ярим финалининг жавоб ўйинларидан сўнг ҳафтанинг энг яхши ўйинчисини эълон қилди.
Мазкур номга «Арсенал» ҳужумчиси Пьер-Эмерик Обамеянг муносиб кўрилди. Маълумот учун, у Европа Лигаси ярим финалининг жавоб ўйинида «Валенсия» дарвозасини 3 маротаба ишғол қилганди (4:2).
Обамеянгдан ташқари ушбу соврин учун «Арсенал»нинг бошқа бир ҳужумчиси Александр Ляказетт, «Челси» ярим ҳимоячиси Рубен Лофтус-Чик ва «аристократлар» дарвозабони Кепа Аррисабалага даъвогарлик қилаётганди.
Эслатиб ўтамиз, «Арсенал» ҳамда «Челси» 29 май куни Озарбайжоннинг Боку шаҳрида бўлиб ўтадиган Европа Лигасининг финалида ўзаро баҳсга киришади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)