Иккала рейтингда ҳам биринчи ўринни Қатар ўзининг Хамад аэропорти ва Qatar Airways авиакомпанияси билан эгаллаган. Бу ҳақда Spot хабар берди.
AirHelp компанияси ҳар йили ўз тадқиқотлари натижасини эълон қилади. Бу йил эса ушбу тадқиқот еттинчи марта ўтказилди. Дунёда аэропортлар ва авиакомпанияларнинг жуда кўп рейтинги бор, аммо айнан шуниси энг нуфузли ва холис ҳисобланади.
Компания аэропортларни учта мезон асосида баҳолайди: иш тартиби, хизмат кўрсатиш сифати, озиқ-овқат имкониятлари ва сотиб олиш. Биринчисига 60%, қолган иккита омилнинг ҳар бирига 20 фоиздан берилади.
Авиакомпанияларни эса ўз вақтида ишлаши, хизмат кўрсатиш сифати ва қўнғироқларни амалга ошириши баҳоланди. Барча омиллар 30 фоиздан баҳоланади.
Маълумотлар бир неча манбалардан олинади: савдо таъминловчилар, ўзининг маълумотлар базаси, шунингдек, 2018 йил давомида 40 минг йўловчидан 40 та мамлакатда тўпланган сўров натижалари.
Дунёнинг энг яхши аэропорти Доҳададаги (Қатар) Хамад халқаро аэропорти деб топилди. Иккинчи ўринни эса Япониядаги Токио халқаро аэропорти, учинчи ўринни Грециянинг «Элефтериос Венизелос» Афина халқаро аэропорти эгаллади.
Дунёдаги энг ёмон аэропортлар Голландиянинг Портела аэропорти, Қувайт халқаро аэропорти ва Нидерландиядаги Эйндховен аэропорти бўлди.
Энг яхши авиакомпания Qatar Airways, American Airlines ва Aeromexico деб эълон қилинди. Энг ёмонлари эса Thomas Cook Airlines, EasyJet ва Кuwait Airways бўлди.
МДҲ мамлакатларидаги барча аэропортлар ичида Москвадаги Шереметьево халқаро аэропорти рейтингларнинг ўнталигида (олтинчи ўрин) қайд этилди. Ўзбекистон рейтингда қайд этилмади.
Изоҳ (0)