Россиянинг Якутск шаҳри ва Оймакон қишлоғи дунёдаги энг экстремал шаҳарлар рўйхатига бошчилик қилди. Рейтингни Испаниянинг El Pais газетаси тузиб чиқди.
Мазкур рўйхат туризм ва яшаш тарзининг мураккаблик мезонлари, шунингдек, энг совуқ ёки энг иссиқ иқлим шароит омиллари инобатга олинган ҳолда тузилган. Рейтинг муаллифларининг ҳисоблашича, энг экстремал иқлим — Якутскда, чунки бу ерда қишда ҳаво ҳарорати -40 даражагача тушади, ёзда эса 29 даражагача кўтарилади.
Оймакон қишлоғи Ер юзида инсон қадами етган энг совуқ жойлиги билан ажралиб туради. 1926 йили бу ердаги ҳарорат -71,2 даражага қадар пасайган. Таъкидланича, у ерда жуда кўплаб катта ёшли руслар яшаб келади.
Рейтингнинг иккинчи поғонасидан Якутскдаги яна бир шаҳар — Верхоянск эгаллади. Бу ердаги энг паст ҳаво ҳарорати -69,8 даражани, энг юқориси эса 37 даражани ташкил этган. Ушбу шаҳар ҳаво ҳарорати 106 даражадан ортиққа ўзгаргани сабаб Гиннеснинг рекордлар китобига ҳам киритилган.
Учинчи ўринни дунёдаги энг иссиқ шаҳар — Мексикадаги Сан-Луис-Рио-Колорадо эгаллади. Бу ердаги ҳаво ҳарорати 59 даражага етган.
Муаллифлар денгиз сатҳидан 5099 метр баландликда жойлашган Перудаги Ла-Ринконада шаҳрини ҳамда денгиз сатҳидан 200 метр пастда жойлашган Исроилнинг Иэрихон ва Таба шаҳарларини ҳам рўйхатга киритган.
Изоҳ (0)