Москва шаҳри учун бу йил ғалаба кунини нишонлаш 452 миллион рублга (қарийб 7 миллион доллар) тушади, деб хабар берди «РБК».
Байрам тадбирлари, совғалар ва байрамга тайёргарлик кўриш учун 452 миллион рубллик давлат харидлари амалга оширилади. 2018 йил ушбу байрам 615 миллион рубль, 2017 йилда эса 509 миллион долларга тушган.
Байрамдаги энг қиммат харажат парадда иштирок этадиган аскарларни ташувчи транспорт хариди ҳисобланади. Бунинг учун икки йилда 470 миллион рубль маблағ сарфланади. Шундан 180 миллион доллари жорий йилда, қолган 290 миллион рубли эса кейинг йилда сарфланади. 2018 йилда бу хизматлар 147 миллион рублга баҳоланган.
Байрамдаги қиймати бўйича иккинчи катта харажат—(410,5 миллион рубль) булутларни тарқатиш хизмати ҳисобланади. Ўтган йили бу харажат мамлакат ҳукуматига 400,3 миллион рублга тушган.
Сумма ичига нафақат ғалаба куни, балки Россия куни ва шаҳар кунида яхши об-ҳавони таъминлаб бериш ҳам киради. Ғалаба кунида 10 та самолёт булутларни тарқатади. 2018 йилда ушбу вазифани 12 та самолёт уддалаган эди.
Изоҳ (0)