Зарафшон шаҳридаги Янги Зарафшон маҳалласида истиқомат қилувчи Гулдарой Ахунова шаҳар марказий шифохонаси туғуруқ бўлими реанимациясида эрталабдан буён оғир аҳволда малакали мутахассислар ёрдамига муҳтож, деб хабар бермоқда «Халқ сўзи».
Бироқ вилоят марказидан мазкур мутахассисларни чақириш ва жўнатиш пайсалга солинмоқда.
Гулдарой Ахунова 1989 йилда туғилган. Маҳалладаги 9-умумий ўрта мактабида математика фанидан дарс беради.
У жорий йилнинг 24 апрель куни олти ойлик ҳомила билан шаҳар марказий шифохонасига ётқизилиб, 25 апрелга ўтар кечаси соат 2:00 да операция қилинган.
Бугун, 29 апрель куни эрталаб беморнинг аҳволи оғирлашиб, нефролог ва ревматолог шифокорлар ёрдамига эҳтиёж сезилади.
Ахунованинг онаси Ирисгул Қорабоеванинг айтишича, шифохона мутасаддилари вилоят марказидан мазкур шифокорларни чақиришни пайсалга солади. Онахоннинг шаҳардаги «Халқ қабулхонаси»га мурожаати ҳам бесамар кетгач, у Республика Олий Мажлиси Қонунчилик палатаси депутати Аксавли Тумишеванинг шу муассасада ўз сайловчилари билан учрашув ўтказаётганлигидан хабар топиб,унга шикоят қилади.
Депутат вилоят соғлиқни сақлаш бошқармаси мутасаддилари билан боғлангач, улар мутахассислар йўлга чиқаришаётганини хабар беради.
Тумишева таъкидлашича, Зарафшонда нефролог мутахассис йўқ. Бу ишни уч кунда бир марта вилоятдан юборилган шифокор мутахассис амалга оширади.
Изоҳ (0)