Россиянинг Салехард шаҳрида Ўзбекистон фуқаросига йўқотган пулини топиб беришда ёрдам берган мактаб ўқувчилари тақдирланди. Бу ҳақда Sputnik хабар берди.
Гимназия ўқувчилари машғулотлардан қайтаётган вақтда кўчада унутиб қолдирилган пакетни топиб олади. Пакет ичида Ўзбекистон фуқароси паспорти, бошқа ҳужжатлар ва ичида кўп миқдорда пули бўлган ҳамён бўлган. Икки ўсмир ушбу топилмани зудлик билан полиция бўлимига олиб боради.
Хабарда қайд этилишича, пакет ичидаги барча ҳужжат ва пуллар билан эгасига аллақачон қайтарилган. Ўзбекистон фуқаросига ҳужжат ва пулларини қайтаришда ёрдам берган болаларга миннатдорчилик изҳор этилган ва уларга ИИББнинг қимматбаҳо совғалари топширилган.
Изоҳ (0)