Давлат солиқ қўмитаси фуқароларга тизимдаги муаммоли масалалар, хусусан қонунбузарликлар юзасидан мурожаатларни электрон ёки телефон орқали қабул қилишини маълум қилди.
«Маълумки ҳозирги кунда давлат органлари фаолиятида очиқлик ва шаффофлик муҳим аҳамият касб этмоқда. Кўпчиликда солиқ соҳасидаги масалалар юзасидан тушунмовчиликлар, саволлар юзага келади ёки улар қонунбузарлик ҳолатларига учрайди.
Айримлар эса фуқароларни қасддан солиқ органларига қарши чиқишга ундайди.
Давлат солиқ қўмитаси юзага келаётган муаммоларни амалий ва қонун доирасида ҳал этиш ташаббуси билан чиқади. Қўмита ишонч билан айта оладики, ечимсиз муаммо йўқ.
Агар сиз солиқ органлари фаолиятидан қониқмаётган бўлсангиз ёки солиқ турлари, қўшилган қиймат солиғига оид саволларингиз бўлса ДСҚнинг (71) 244-97-54 телефон рақамига соат 10:00 дан 17:00 гача ёки элеcтрон тарзда мурожаат қилишингиз мумкин.
Мурожаатингиз қисқа муддатда ко′риб чиқилади. Агар зарурат бўлса, қўмита раҳбарияти ушбу масалани шахсан кўриб чиқади», — дейилади хабарда.
Изоҳ (0)