Ислом Каримов номидаги Тошкент давлат техника университети (ТDTУ) Ўзбекистоннинг атом электр станциясини қуриш режалари билан боғлиқ ҳолда атом тармоғи учун кадрлар тайёрлашни бошлади. Бу ҳақда «Дарё» манбаси хабар берди.
Университетда ўтган йилдан буён фаолиайт юритаётган «Иссиқлик энергетикаси ва атом электр станцияси» кафедрасида ҳозирги кунда 40 нафар биринчи курс талабалари таҳсил олмоқда.
Таълим жараёни Россия университетларининг ёрдами билан ташкил этилиши режалаштирилган. Яқинда ТDTУ тинч атом соҳасидаги илғор технологиялар бўйича биринчи очиқ илмий-оммабоп маъруза ўтказилди. Маърузада 150 нафар талаба, илмий ходимлар ва ўқитувчилар иштирок этгани унинг кенг жамоатчилида катта қизиқиш уйғотганидан далолат беради.
Ядро физикаси ва технологиялари институти директори ўринбосари, профессор Георгий Тихомиров ҳамда «Росатом» давлат корпорациясининг «Фан ва инновация» АЖ физика-энергетика йўналиши илмий раҳбари, илмий ривожланиш бўйича директори Владимир Рисований Россия ва дунёдаги ядро саноати тарихи ва ҳозирги тенденциялари, илғор атом энергияси қурилмалари ҳақида сўзлаб, тингловчиларнинг саволларига жавоб берди.
«Келгусида атом станцияси учун кадрлар тайёрлаш республикада атом станциясини қуриш лойиҳасини амалга оширишда энг муҳим вазифадир, - дейди ТDTУ ректори Садритдин Турабжонов. — Биз етакчи техника университети сифатида буни биламиз ва 2018 йилда ‘Иссиқлик энергетикаси ва атом электр станцияси’ кафедрасини очдик. Биз МИФИ ҳамда ‘Росатом’ давлат корпорациясидаги ҳамкасбларимиз университетимизга ташриф буюриб, атом энеегетикаси соҳасидаги билим ва тажрибалари билан ўртоқлашганидан мамнунмиз».
ТDTУ раҳбарияти «МИФИ» ва «Фан ва инновация» АЖ вакилларига Россиядан йирик олимларнинг доимий равишда очиқ маърузаларини ўтказиш таклифи билан мурожаат қилди.
«Иссиқлик энергетикаси ва АЭС» кафедраси электр энергиясини атом станцияларидан мамлакат энергосетикасига интеграциялаш масалаларини ўрганишга ихтисослашиши режалаштирилган, дейди ТDTУ энергетика факультети декани Жавоҳир Тошов.
«Атом энергияси учун кадрлар тайёрлаш биз учун янги йўналишдир. Биласизми, ҳозир Тошкентда ‘МИФИ’ филиали очилади, у бевосита ядро мутахассисларини тайёрлайди. Биз энергия тарқатиш масалалари бўйича атом станциялари билан ишлайдиган энергетик муҳандисларни тайёрлашни режалаштирмоқдамиз. ‘МИФИ’ ва ТDTУ филиалининг атом энергетикаси учун кадрлар тайёрлаш бўйича ҳамкорлиги бир-бирини тўлдирувчи ва ажралмас жараёндир», — дея қўшимча қилди Жавоҳир Тошов.
Унинг сўзларига кўра, «Иссиқлик энергетикаси ва атом электр станцияси» кафедраси ўқитувчиларини тайёрлаш ва қайта тайёрлашни ташкил этиш устувор вазифа бўлиб, бу масала Россия делегацияси вакиллари билан ҳам муҳокама қилинди.
Изоҳ (0)