МИБнинг Шайхонтоҳур туман бўлими 2010 йил 26 мартдаги аризага кўра, қарздор Ж.Исмаиловдан ундиручи Д.Исмаилова фойдасига 3 нафар вояга етмаган фарзандлари учун ½ қисм миқдорида алимент ундириш ижро иши қўзғатилган. Ижро ҳаракатлари давомида «EMM-Steel» томонидан қарздор Ж.Исмаиловнинг ойлик иш ҳақидан 2018 йил 30 августга қадар алимент пуллари ўтказилганлиги аниқланган. Бу ҳақда «Дарё»га МИБ матбуот хизмати хабар берди.
Бундан ташқари қарздор Ж.Исмаилов 2014 йилдан 2016 йилгача «ЧТЗ» АЖда, 2009 йилдан 2017 йилгача «Фотон» АЖда, 2010 йилдан 2018 йилгача «Деуцче кабел АГ Ташкент» АЖ каби қўшма корхоналарда ишлаганлигини яшириб келган.
2019 йил 20 мартдаги алимент қарзини ҳисоблаш тўғрисидаги жадвалга асосан, қарздор Ж.Исмаилов томонидан 2010 йил 15 мартдан 2019 йил 1 апрелга қадар ойлик иш ҳақи ва яширилган бошқа даромадлари бўйича қилинган ҳисоб-китоб натижасида алиментдан бўлган қарздорлиги 54 046 257 сўмни ташкил қилган.
Бюронинг Шайхонтохур туман бўлими томонидан олиб борилган мажбурий ижро ҳаракатлари натижасида алимент тўламаслик учун қарздор томонидан яширилган 54 046 257 сўм пул 3 нафар вояга етмаган фарзандлари учун Д.Исмаиловага ундириб берилди.
Изоҳ (0)