Шавкат Мирзиёевнинг Хитойдаги учрашувлари, Туябўғизда тутилган баҳайбат балиқ, Қашқадарёда вертолётда касалхонага етказилган фуқаро ва куннинг бошқа хабарлари

25 апрелнинг эътиборга молик янгиликлари — «Дарё» дайжестида.

Ўзбекистон Республикаси Президенти Шавкат Мирзиёевнинг Хитойга ташрифи 25 апрель куни эрталаб Пекин шаҳрида Хитой Халқ Республикаси Раиси Си Цзиньпин билан учрашувдан бошланди.

Шунингдек, Шавкат Мирзиёев 25 апрель куни «Дяоюйтай» қароргоҳида Халқаро валюта жамғармаси бошқарувчи директори Кристин Лагардни қабул қилди.

Шундан кейин Пекин шаҳрида Тожикистон Президенти Эмомали Раҳмон билан ҳам учрашди.

***

24 апрель куни Туябўғиз сув омборида катталиги қўйдек келадиган балиқ тутилди.

Балиқ тортиб кўрилганда унинг оғирлиги 35 килограммни ташкил этган.

***

Қашқадарёда трактор ағдарилиши оқибатида жабрланган фуқаро вертолёт орқали касалхонага етказилди.

Ноқулай об-ҳаво, йўллардаги носозлик, шунингдек, қишлоқ ва туман маркази ўртасидаги узоқ масофа туфайли беморга зудлик билан ёрдам кўрсатишнинг имкони бўлмаган.

***

Қозоғистонда Ўзбекистон фуқароси ўғирлаб кетилди.

Улар жабрланувчи фуқаронинг дўсти — Ўзбекистон фуқароси М.С.дан 300 минг танга талаб қилган. Аниқланишича, жиноятчилар аввалроқ М.С.дан қўрқитиш усули билан 100 минг танга ундирган.

***

Қўйлиқдаги сув босган кўчада Nexia «Титаник» каби сузди.

Nexia автомобили йўловчилари қўлларидаги чўтка ёрдамида гўёки эшкак эшаётганини кўриш мумкин.