«Росатом» томонидан қурилаётган дунёда биринчи сузувчи «Академик Ломoносов» атом электростанцияси иш бошлашга тайёр ва 2019 йилнинг июль ойида лицензия олиши мумкин, деб хабар берди «ТАСС».
Қайд этилишича, фойдаланишга бутунлай тайёр эканлигига ишонч ҳосил қилиш мақсадида «Академик Ломoносов» электростанциясининг бош сузувчи энергоблокида (СЭБ) ядровий энергетик қурилманинг комплекс синовлари ўтказилган.
Амалга оширилган барча ишлар натижалари асосида СЭБни фойдаланиш учун қабул қилиб олиш бўйича давлат комиссияси томонидан ҳужжат расмийлаштирилади. Лицензияни 2019 йилнинг июль ойида олиш мўлжалланган.
Шу билан бирга, йил охиригача Чукоткадаги Певек шаҳрида сузувчи атом иссиқлик электростанцияси учун қирғоқбўйи ва гидротехник иншоотларини, шунингдек, электр энергиясини «Чукотенэрго» электр тармоғига узатиш ва иссиқликни шаҳар иссиқлик тармоғига етказиб беришни таъминлайдиган инфратузилмаларни қуриб битказиш режалаштирилган.
Изоҳ (0)