25 апрель куни Тошкент шаҳрида Осиё, Африка ва Европа мамлакатлари вакиллари ўртасида Miss Union Fashion халқаро гўзаллик танлови ўтказилади. Бу ҳақда «Дарё»га танлов ташкилотчилари маълум қилди.
Ҳакамлар ҳайъати иштирокчиларни ташқи кўриниш, интеллектуал салоҳият, шунингдек миллий маданиятни намойиш этиш йўналишлари бўйича баҳолайди.
Танловда Россия, Беларусь, Бошқирдистон, Исроил, Қозоғистон, Тожикистон, Украина каби мамлакатлардан 16 ёшда 29 ёшгача бўлган қизлар иштирок этади.
Танловнинг финал босқичи ғолиблари ўз мамлакатини миллий либосларда намойиш этади, ўзбекистонлик томошабинларни мамлакати урф-одатлари ва анъаналари билан таништириш учун турли ижодий чиқишларни ижро этади.
Шунингдек, турли мамлакатлар номидан иштирок этаётган қизлар Ўзбекистоннинг диққатга сазовор масканлари билан ҳам танишади.
Гўзаллик танловида Италия, Осиё, Германия, Туркия мода ҳафталиклари президентлари, эстрада юлдузлари, fashion блогерлар иштирок этади.
Ушбу танловда Ўзбекистон номидан 16 ёшли Барно Мамасолиева иштирок этмоқда.
Изоҳ (0)