Айни пайтда Туризмни ривожлантириш давлат қўмитаси делегацияси ватандошлар иштирокида ташкил этилган қўшма тадбирларда қатнашиш учун Польшада бўлиб турибди. Бу ҳақда қўмита матбуот хизмати хабар берди.
Фото: Туризмни ривожлантириш қўмитаси матбуот хизматиТашриф давомида Польшанинг йирик туризм компанияларидан «RAINBOW», «ITAКА» вакиллари ҳамда «Варшава туризм уйи» президенти Анджеем Шиманским билан учрашув ўтказилди.
Учрашувлар давомида Ўзбекистонда туризм соҳасида амалга оширилаётган ислоҳотлар ҳамда мамлакатнинг туризм салоҳияти ва имкониятлари тўғрисида маълумотлар берилди.
Фото: Туризмни ривожлантириш қўмитаси матбуот хизматиПольшанинг йирик туризм компаниялари томонидан Ўзбекистоннинг туризмини ривожлантириш юзасидан бир қатор таклифлар билдирилди. Хусусан, Ўзбекистонга ташриф буюраётган сайёҳлар учун доимий равишда (24 соат) ишлайдиган чегара пунктлари ҳақида маълумотларни кўпайтириш, шунингдек, Ўзбекистонга польшалик сайёҳлар сони ортиб бораётганлигини инобатга олиб Варшава ва Тошкент ўртасида тўғридан-тўғри авиарейсларни йўлга қўйиш бўйича таклифлар илгари сурилди.
Бундан ташқари, Польшанинг умумиллий туризм палатаси вакиллари Ўзбекистон хусусий сайёҳлик ташкилотлари уюшмаси билан ҳамкорлик тўғрисидаги меморандумни имзолашга тайёр эканлигини маълум қилди.
Учрашув якунида Польшада 150 та филиали мавжуд бўлган «RAINBOW» туризм компанияси билан Ўзбекистонда янги туризм маршрутларни ўрганиш ва ишлаб чиқиш учун инфо-тур ташкил этишга келишиб олинди.
Изоҳ (0)