Ayni paytda Turizmni rivojlantirish davlat qo‘mitasi delegatsiyasi vatandoshlar ishtirokida tashkil etilgan qo‘shma tadbirlarda qatnashish uchun Polshada bo‘lib turibdi. Bu haqda qo‘mita matbuot xizmati xabar berdi.
Foto: Turizmni rivojlantirish qo‘mitasi matbuot xizmatiTashrif davomida Polshaning yirik turizm kompaniyalaridan “RAINBOW”, “ITAKA” vakillari hamda “Varshava turizm uyi” prezidenti Andjeyem Shimanskim bilan uchrashuv o‘tkazildi.
Uchrashuvlar davomida O‘zbekistonda turizm sohasida amalga oshirilayotgan islohotlar hamda mamlakatning turizm salohiyati va imkoniyatlari to‘g‘risida ma’lumotlar berildi.
Foto: Turizmni rivojlantirish qo‘mitasi matbuot xizmatiPolshaning yirik turizm kompaniyalari tomonidan O‘zbekistonning turizmini rivojlantirish yuzasidan bir qator takliflar bildirildi. Xususan, O‘zbekistonga tashrif buyurayotgan sayyohlar uchun doimiy ravishda (24 soat) ishlaydigan chegara punktlari haqida ma’lumotlarni ko‘paytirish, shuningdek, O‘zbekistonga polshalik sayyohlar soni ortib borayotganligini inobatga olib Varshava va Toshkent o‘rtasida to‘g‘ridan to‘g‘ri aviareyslarni yo‘lga qo‘yish bo‘yicha takliflar ilgari surildi.
Bundan tashqari, Polshaning umumilliy turizm palatasi vakillari O‘zbekiston xususiy sayyohlik tashkilotlari uyushmasi bilan hamkorlik to‘g‘risidagi memorandumni imzolashga tayyor ekanligini ma’lum qildi.
Uchrashuv yakunida Polshada 150 ta filiali mavjud bo‘lgan “RAINBOW” turizm kompaniyasi bilan O‘zbekistonda yangi turizm marshrutlarni o‘rganish va ishlab chiqish uchun info-tur tashkil etishga kelishib olindi.
Izoh (0)