Франциянинг Рюэй-Мальмезон ва Бухоро шаҳарлари биродарлашганига 20 йилдан ошди. Бу ҳақда Бухоро вилояти ҳокимлиги ахборот хизмати маълум қилди.
Ушбу дўстлик алоқалари доирасида жорий йил 17 апрель куни Рюэй-Мальмезон шаҳридаги «Дўстлик» паркида ўзбек боғи ҳамда Абу Али ибн Сино шарафига ёдгорлик ҳайкалининг очилиш маросими бўлиб ўтди.
Анжуманда Бухорога хос мусиқа ва рақслар намойиш этилди. Тадбирда 500дан ортиқ иштирокчи қатнашди.
Вилоят ҳокими Ўктам Барноев бошчилигидаги делегация аъзолари Францияда энергетика, виночилик, савдо ва туризм йўналишида етакчи компаниялар вакиллари билан музокаралар ўтказди.
Изоҳ (0)