Путин Time нашрининг «Дунёнинг энг нуфузли кишилари» рўйхатига кетма-кет иккинчи марта кира олмади

Time журнали 2019 йил учун дунёнинг энг нуфузли 100 нафар инсонларининг рўйхатини тузди. Бу ҳақда Meduza хабар берди.

https://twitter.com/TIME/status/1118469803902214144

Янги рейтингда ўтган йилги каби Россия президенти Владимир Путин йўқ. Ундан аввал эса у 6 марта рейтингдан жой олган эди.

Рейтингнинг «Раҳбарлар» категориясида етакчиликни АҚШ Конгресси Палата спикери, демократ Ненси Пелоси қўлга киритган. Ундан ташқари ушбу гуруҳга АҚШ президенти Дональд Трамп, Венесуэла мухолфиат партияси етакчиси Хуан Гуайдо, БйтеДанcе компанияси асосчиси Чжан Имин ҳамда АҚШ Конгрессининг энг ёш аёл аъзоси Александрия Окасио-Кортес кирган.

Шунингдек, 2019 йилги рейтингда канадалик актриса Сандра О («Эҳтирос анатомия»), америкалик курашчи ва актёр Дуэйн Жонсон, америкалик қўшиқчи Тейлор Свифт, мисрлик футболчи Муҳаммад Салох ҳам бор.

Time журнали 1999 йилдан бошлаб ҳар йили энг нуфузли шахслар рўйхатини тузади.

Шунингдек, журнал «Йил одами» номинациясини ҳам тақдим этади. Путин ушбу унвонни икки марта қўлга киритган.