Ливия пойтахти Триполи шаҳрига бир неча ракета зарбалари берилиши оқибатида тўрт киши ҳалок бўлди, 23 киши жароҳатланди, деб хабар берди «РИА Новости».
Хабарда айтилишича, отишмага Ливия миллий армияси (ЛМА) қўмондони маршал Халифа Хафтар кучлари жавобгар.
Ўз навбатида ЛМА Триполининг фуқаровий объектлари ўққа тутилишига алоқадор эканлиниги рад этган.
«Бугунги кечада Ливия армияси ҳарбий ҳаракалар давомида оғир қуроллардан фойдаланмади», — деган ЛМА қўмондонлиги матбуот хизмати Халифа ал-Убайдий.
Халифа ал-Убайдий Триполидаги гуруҳни пойтахтдаги аҳоли кварталларини «Град» ускунасидан қасддан ўққа тутишда айблаган. Унинг айтишича, бу Хафтар раҳбарлигидаги мамлакат миллий армиясини айблаш учун содир этилган.
Изоҳ (0)