15 апрель куни «Русатом Хелскея», «Русатом—Халқаро тармоқ» ва Ўзбекистон Ядро Физикаси Институти радиацион технологиялар ва ядровий тиббиёт соҳасидаги ҳамкорлик тўғрисида меморандум имзоладилар. Бу ҳақда «Дарё» мухбири Севара Нишонова хабар берди.
Ҳужжат «АТОМEXPO—2019» XI Халқаро форуми доирасида имзоланган. «Русатом Хелскея» томонидан ҳужжатни Бош директор Александр Шибанов, RMS томонидан Александр Мертен, Ўзбекистон томонидан — Фанлар академияси президенти Беҳзод Йўлдошев имзолаган.
Меморандум доирасида томонлар Ўзбекистондаги Ядро физикаси институтда циклотрон радиокимёвий маҳсулотни ишлаб чиқариш бўйича лойиҳани биргаликда ишлаб чиқишга келишиб олган, бу эса Ўзбекистонда радиоизотоп маҳсулотларини ишлаб чиқаришни ва республикада ҳам, унинг ташқарисида ҳам амалга оширилишини кўзда тутади.
Шартнома шунингдек Ўзбекистонда тиббиёт асбоб-ускуналари ва қишлоқ хўжалик маҳсулотларини ишлаб чиқарувчиларга шартнома асосида радиациявий даволаш хизматларини тақдим этадиган кўп мақсадли радиацион марказ (КРМ)ни яратиш бўйича лойиҳани ҳам ўз ичига олади.
Имзоланган ҳужжат радиоизотоп маҳсулотларини ишлаб чиқариш, янги материаллар ва радиациявий қайта ишлаш каби истиқболли илмий-техникавий соҳаларда ҳамкорликнинг янги уфқларини очиб беради. Ўзбекистонда замонавий радиацион технологиялардан фойдаланишни ривожлантириш қишлоқ хўжалиги маҳсулотларининг сифатини яхшилашга, шунингдек, экспорт ҳажмини оширишга ёрдам беради.
Изоҳ (0)