15 апрелдан 16 апрелга ўтар кечасидан бошлаб ёққан ёмғир оқибатида Самарқанд шаҳрининг бир қатор кўчаларини қаторида айрим маҳалларини ҳам сув босди.
«Самарқанд шаҳридаги Буюк Ипак йўлида жойлашган 29-мактабнинг орқа томонидаги йўлда юриб бўлмайди. Ушбу кўчада йўлак ҳам йўқ, ариқ ҳам. Маҳалла ва ширкат ҳеч нарсага эътибор ҳам бергани йўқ», — дея изоҳ ёзилган «Дарё»га юборилган хабарда.
Мурожаатда қайд этилишича, тинимсиз ёмғир натижасида Буюк Ипак йўли кўчасида жойлашган 78 ва 78Б уйлар ўртасидаги кўча ачинарли аҳволга келиб қолган. Доимий лой ва нам сабабли биринчи қаватлардаги уйларга шиллиққурт ва ҳашаротлар киради. Қурувчиларга ва ширкатга кўп маротаба айтилган. Аммо фойдаси бўлмаган.
«Эрталабки ёмғирда яна ҳаммаёқ расво бўлди. Кўчамизда ариқ қўйишларига амалий ёрдам берилсайди. Мактабга бориш учун болалар, аҳоли ва машиналар электр шити, ахлатлар устидан, газ шити ҳамда сув ҳовузидан амаллаб ўтишмоқда», — дейилган муштарийдан келган мурожаатда.
Изоҳ (0)