15-apreldan 16-aprelga o‘tar kechasidan boshlab yoqqan yomg‘ir oqibatida Samarqand shahrining bir qator ko‘chalarini qatorida ayrim mahallarini ham suv bosdi.
“Samarqand shahridagi Buyuk Ipak yo‘lida joylashgan 29-maktabning orqa tomonidagi yo‘lda yurib bo‘lmaydi. Ushbu ko‘chada yo‘lak ham yo‘q, ariq ham. Mahalla va shirkat hech narsaga e’tibor ham bergani yo‘q”, — deya izoh yozilgan “Daryo”ga yuborilgan xabarda.
Murojaatda qayd etilishicha, tinimsiz yomg‘ir natijasida Buyuk Ipak yo‘li ko‘chasida joylashgan 78 va 78B uylar o‘rtasidagi ko‘cha achinarli ahvolga kelib qolgan. Doimiy loy va nam sababli birinchi qavatlardagi uylarga shilliqqurt va hasharotlar kiradi. Quruvchilarga va shirkatga ko‘p marotaba aytilgan. Ammo foydasi bo‘lmagan.
“Ertalabki yomg‘irda yana hammayoq rasvo bo‘ldi. Ko‘chamizda ariq qo‘yishlariga amaliy yordam berilsaydi. Maktabga borish uchun bolalar, aholi va mashinalar elektr shiti, axlatlar ustidan, gaz shiti hamda suv hovuzidan amallab o‘tishmoqda”, — deyilgan mushtariydan kelgan murojaatda.
Izoh (0)