10 апрель куни Қуролли Кучлар академиясида Ўзбекистон Қуролли Кучларида ахлоқий-руҳий таъминот концепциясини амалга ошириш механизмларини ишлаб чиқишга бағишланган биринчи форум бўлиб ўтди. Бу ҳақда Мудофаа вазирлиги матбуот хизмати хабар берди.
Унда Қуролли Кучларнинг барча тизимида тарбиявий ва мафкуравий ишлар йўналиши бўйича масъул ҳарбий хизматчилари, шунингдек АТК вазирлиги, ЎзА, Ахборот ва оммавий коммуникациялар агентлиги, Миллий телерадиокомпания вакиллари иштирок этган.
Форумда Мудофаа вазирининг тарбиявий ва мафкуравий ишлар бўйича ўринбосари, генерал-майор Азизбек Икромов сўзга чиқиб, ахлоқий-руҳий таъминот концепциясининг аҳамияти, унда белгилаб берилган вазифаларни қўшинларда кенг татбиқ этиш чора-тадбирлари масаласига тўхталиб ўтган.
Форум давомида иштирокчилар томонидан билдирилган ўринли фикр-мунозаралар ва таклифлар инобатга олиниб, келгусида жорий этилиши белгиланган.
Изоҳ (0)