10-aprel kuni Qurolli Kuchlar akademiyasida O‘zbekiston Qurolli Kuchlarida axloqiy-ruhiy ta’minot konsepsiyasini amalga oshirish mexanizmlarini ishlab chiqishga bag‘ishlangan birinchi forum bo‘lib o‘tdi. Bu haqda Mudofaa vazirligi matbuot xizmati xabar berdi.
Unda Qurolli Kuchlarning barcha tizimida tarbiyaviy va mafkuraviy ishlar yo‘nalishi bo‘yicha mas’ul harbiy xizmatchilari, shuningdek ATK vazirligi, O‘zA, Axborot va ommaviy kommunikatsiyalar agentligi, Milliy teleradiokompaniya vakillari ishtirok etgan.
Forumda Mudofaa vazirining tarbiyaviy va mafkuraviy ishlar bo‘yicha o‘rinbosari, general-mayor Azizbek Ikromov so‘zga chiqib, axloqiy-ruhiy ta’minot konsepsiyasining ahamiyati, unda belgilab berilgan vazifalarni qo‘shinlarda keng tatbiq etish chora-tadbirlari masalasiga to‘xtalib o‘tgan.
Forum davomida ishtirokchilar tomonidan bildirilgan o‘rinli fikr-munozaralar va takliflar inobatga olinib, kelgusida joriy etilishi belgilangan.
Izoh (0)