Ниқобли ва қуролланган шахслар Тирана шаҳри аэропортида Австрия авиакомпаниясининг самолётига ҳужум қилиб, ундан бир неча миллион евро ўғирлаган, дея хабар беради «Корреспондент.net».
Қайд этиш жоизки, воқеа жойидан қочиш чоғида жиноятчилар маҳаллий полиция билан отишма уюштирган. Бир нафар ўғри воқеа жойида ўлдирилган. Йўловчилар ва экипаж аъзолари жабрланмаган.
Албания пойтахти полицияси маълумотларига кўра, ўғрилар аэропортга фавқулодда хизматлар кириш йўли орқали кириб келган. Қароқчилар уч киши бўлган, улар хизматчиларга қурол билан таҳдид қилиб, юк бўлимидан пулни ўғирлаган.
Ўлдирилган шахс ўқ-дорилар ва гранаталар билан қуролланган. Шаҳарда махсус операция вақтида полиция вертолётлари иштирок этган.
Изоҳ (0)