АҚШ журналист Жамол Қошиқчининг ўлимида алоқадор ҳисоблаб, Саудия Арабистонининг 16 нафар фуқаросига мамлакат ҳудудига киришни тақиқлади. Бу ҳақда «РБК» хабар берди.
Саудия Арабистони ҳукуматининг ҳаракатини танқид қилган The Washington Post газетаси колумнисти Жамол Қошиқчи 2018 йилнинг 2 октябрида Истанбулдаги генерал консуллик биносига кириб кетганидаг сўнг бедарак йўқолган. Журналист у ерга Туркия фуқароси билан никоҳланиш учун зарур ҳужжатларни олиш учун келган.
Туркия прокуратураси маълумотларига кўра, журналист ўлдирилиб, унинг танаси бўлаклага бўлиб йўқ қилинган. Туркия президенти Ражаб Тоййиб Эрдўғон журналистни ўлдириш ҳақидаги буйруқ Саудия Арабистони ҳукуматининг «энг юқори даражаси» томонидан чиқарилганини айтган.
Саудия шаҳзодаси эса бу айбловни рад этган.
Изоҳ (0)