2017 йилда Россия Ўзбекистонга 12 та зарба берувчи Ми-35М вертолёти етказиб бериши маълум қилинганди. 2018 йилда Ўзбекистон Россиянинг 10 та Ми-35М вертолётини харид қилиш бўйича шартнома тузган. Бу ҳақда «Халқ сўзи» хабар берди.
Яқин кунлар ичида Россия президенти Владимир Путин ҳарбий ҳамкорлик бўйича комиссия йиғилишини ўтказади. Унда мамлакатнинг 2018 йилдаги қурол-яроғ экспорти бўйича расмий натижалар эълон қилинади.
Маълумотларга кўра, натижалар кутилганидан ҳам зиёда. Россия хорижга 15 миллиард долларлик қурол-яроғ ва ҳарбий техника етказиб берган, 20 миллиард доллардан зиёд шартнома имзолаган. Бу энг юқори кўрстакичлардан биридир.
Ми-35М вертолётларини қўшни Қозоғистон ҳам сотиб олади. 2018 йилда Остона(ҳозирги Нур-Султон) Москва билан саккизта қўшимча Су-30СМ қирувчи самолёти ва тўртта Ми-35М вертолёти ҳамда «Бук-М2Э» зенит ракетаси дивизионини харид қилиш бўйича битим имзолаган.
Эслатиб ўтамиз, Марказий банк ҳисоботига кўра, Ўзбекистон ўтган йилда қурол-яроғ сотиб олиш учун 0,7 миллион доллар сарфлаган.
Маълумот учун, Ми-24ВМ(Ми-35М, АН-2 Сабре) Россиянинг транспорт-ҳарбий вертолёти бўлиб, ундан куну тун фойдаланиш мумкин. Зирҳли қуроллар ва техникаларни йўқ қилиш, десант тушириш ва қуруқлик қўшинларига ҳужум қилишда кўмак бериш, яраланганларни эвакуация қилиш, юк ташишга мўлжалланган.
Изоҳ (0)