2017-yilda Rossiya O‘zbekistonga 12 ta zarba beruvchi Mi-35M vertolyoti yetkazib berishi ma’lum qilingandi. 2018-yilda O‘zbekiston Rossiyaning 10 ta Mi-35M vertolyotini xarid qilish bo‘yicha shartnoma tuzgan. Bu haqda “Xalq so‘zi” xabar berdi.
Yaqin kunlar ichida Rossiya prezidenti Vladimir Putin harbiy hamkorlik bo‘yicha komissiya yig‘ilishini o‘tkazadi. Unda mamlakatning 2018-yildagi qurol-yarog‘ eksporti bo‘yicha rasmiy natijalar e’lon qilinadi.
Ma’lumotlarga ko‘ra, natijalar kutilganidan ham ziyoda. Rossiya xorijga 15 milliard dollarlik qurol-yarog‘ va harbiy texnika yetkazib bergan, 20 milliard dollardan ziyod shartnoma imzolagan. Bu eng yuqori ko‘rstakichlardan biridir.
Mi-35M vertolyotlarini qo‘shni Qozog‘iston ham sotib oladi. 2018-yilda Ostona(hozirgi Nur-Sulton) Moskva bilan sakkizta qo‘shimcha Su-30SM qiruvchi samolyoti va to‘rtta Mi-35M vertolyoti hamda “Buk-M2E” zenit raketasi divizionini xarid qilish bo‘yicha bitim imzolagan.
Eslatib o‘tamiz, Markaziy bank hisobotiga ko‘ra, O‘zbekiston o‘tgan yilda qurol-yarog‘ sotib olish uchun 0,7 million dollar sarflagan.
Ma’lumot uchun, Mi-24VM(Mi-35M, AN-2 Sabre) Rossiyaning transport-harbiy vertolyoti bo‘lib, undan kunu tun foydalanish mumkin. Zirhli qurollar va texnikalarni yo‘q qilish, desant tushirish va quruqlik qo‘shinlariga hujum qilishda ko‘mak berish, yaralanganlarni evakuatsiya qilish, yuk tashishga mo‘ljallangan.
Izoh (0)