ЦСКА собиқ ҳужумчиси, ҳозирда «Ан-Наср»да тўп сураётган Аҳмад Муса Нигерияда 2018 йилнинг энг яхши ўйинчиси дея эътироф этилди. Бу ҳақда Goal хабар берди.
26 ёшли футболчи ўтган йили Россияда бўлиб ўтган жаҳон чемпионатида 3 та учрашувда 2 та гол урди ва ажойиб ўйин намойиш этди. Бундан ташқари у 2013 йилдан буён биринчи марта Нигерия терма жамоасининг Африка Кубоги мусобақасига чиқишига ёрдам берди.
Мусанинг жаҳон чемпионатидаги Исландия терма жамаоси дарвозасига киритган иккинчи голи Нигерия термасидаги энг чиройли гол дея эътироф этилди (2:0).
Эслатиб ўтамиз, Аҳмад Муса жорий мавсум 19 та учрашувда майдонга тушиб, 5 та гол урди ва 5 та голга ассистентлик қилди.
«Вильярреал» ярим ҳимоячиси Семюел Чуквуэзе эса йилнинг энг ёш ўйинчиси номига лойиқ деб топилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)