Навоий вилояти Хатирчи туманида 2014 йил 27 сентябрь куни таваллуд топган хозирда ёшдан ошган Ҳасанжон Дўстмуродов оғир касаллик ўткир лимфобластли лейкоз 1-фаол даври билан курашмоқда. У 2018 йилнинг 15 май кунидан бошлаб бир муддат пойтахтдаги Гематология ва қон қуйиш илмий-тадқиқот институтида даволаниш муолажаларини олиб келган.
Ҳозирда Навоий вилоятидаги Гематология марказида қўллаб-қувватловчи кимё терапия муолажаларини 2-курс муолажасини олиб келмоқда.
2016 йилнинг 6 декабрь куни икки қиз ва икки эгизак ўғилнинг онаси Гулчеҳра опа фарзанди Ҳасанжоннинг эгизаги Ҳусанжондан айрилиб қолди.
Бобоева Гулчеҳра опанинг фазанди 2 ёшли Ҳусанжон Дўстмуродов оққон касаллигига чалиниб, даволанишига қарамай, касаллиги қайталаниб қолиб, вафот этган.
Эгизак фазанди Ҳусанжоннинг вафотига секин-аста кўника бошлаган оилага аталган тақдирнинг синовлари ҳали тугамаган экан.
Оиланинг эгизак фарзанди Ҳасанжоннинг 2018 йилнинг май ойининг кунларининг бирида оққонга чалиниши оила учун қаттиқ зарба бўлди.
Касаллик бошланғич босқичда бўлганлиги сабабли унинг ҳаётини сақлаб қолиш имкони мавжуд ва унинг даволаниши учун жудаям катта маблағ зарур.
«Шифокорларнинг айтишича, ўғлим Ҳасанжон ушбу касалликнинг енгил турига чалинган. Шунинг учун муолажаларни ўз вақтида олиб турса, даволаниш имкони бор. Россияга таҳлил жўнатганимизда, у ердан ҳам оққон жавоби келди. Фарзандим икки йил давомида қўллаб-қувватловчи кимё терапия муолажаларини ҳам олиши керак экан.
Ҳозир қўллаб-қувватловчи кимё терапия муолажаларини иккинчи курс даволаниш курсини олиб келяпти. Навбатда 7 та курс бор.
Даволаниш, дори-дармон ва кимётерапия курслари учун жуда катта катта маблағ талаб этилади. Моддий томондан анча қийналиб қолдик.
Аллоҳнинг синови экан. Душманга ҳам раво кўрмайман. Болам тузалади насиб этса. Ишонаман, яхши инсонлар бор. Улар ёрдамга келади албатта.
Саховатпеша юртдошларимиздан фарзандимни соғайишида , курсларини давом эттиришида имкон қадар холис моддий ёрдам беришларини ўтиниб илтимос қилиб қоламан»,— дейди Ҳасанжоннинг онаси Гулчеҳра опа.
Хайрия қилмоқчи бўлганлар учун керакли маълумотлар:
Пластик карта орқали:(Click, Payme) Онаси Гулчеҳра Бобоева номига очилган пластик карточка
Агробанк: 8600 0424 9472 4163
Халқ банки:8600 0609 9607 4853
Хориждан маблағ юбормоқчи бўлганлар учун онасининг паспорт маълумотлари:
Бобоева Гулчеҳра Нуриддинова
Паспорт рақами: АБ 5591848
Ҳасанжоннинг онаси Гулчеҳра Бобоеванинг телефон рақами:
+99894 222 40 46
Изоҳ (0)