30 март, шанба куни «Ҳаддерсфилд» Англия чемпионатининг 32-турида «Кристал Пэлас»га имкониятни бой берди (0:2).
Натижада «Ҳаддерсфилд» мусобақа якунланишига 6 тур қолганда, мавсумни Чемпионшипда (АПЛдан кейинги ўринда турувчи лига) бошлаши маълум бўлди.
Шу тариқа «Ҳаддерсфилд» клуби «Дерби Коунти» антирекордини такрорлади. «Дерби» ҳам 2007/08 йилги мавсумнинг март ойида, мусобақа тугашига 6 та тур қолганда чемпионатни тарк этиши аниқ бўлганди.
Эслатиб ўтамиз, «Ҳаддерсфилд» мусобақанинг 32-туридан сўнг 14 очко тўплаган ҳолда жадвалининг энг қуйи поғонасида бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)