Ўзбекистонда 2019 йил 1 августга қадар мавжуд мевали боғлар ва иссиқхона хўжаликларининг ҳар бир фермер хўжалиги, қишлоқ хўжалиги корхонаси кесимида хатловдан ўтказилади. Бу Президентнинг «Ўзбекистон Республикасида боғдорчилик ва иссиқхона хўжалигини янада ривожлантириш чора-тадбирлари тўғрисида»ги қарорида кўзда тутилган.
Хатлов натижасида яроқсиз ва иқтисодий жиҳатдан самарасиз боғлар ва иссиқхона хўжаликлари аниқланади ва иқтисодий самарадор янги боғлар, иссиқхона хўжаликларини барпо этиш бўйича таклифлар киритилади.
2019 йил 1 сентябрга қадар:
кейинчалик мева маҳсулотлари ишлаб чиқарувчиларига тавсиялар бериб бориш мақсадида мевали кўчатларнинг юқори ҳосилли навларини танлаб олиш ва уларни етиштиришнинг ҳудудий чегараларини аниқлаш нуқтаи назаридан табиий-қишлоқ хўжалиги бўйича раёнлаштириш амалга оширилади;
ишлаб чиқарувчи, ер участкаси, боғларнинг ҳолати, навлар, барпо қилинган вақти ва бошқа кўрсаткичларни ўз ичига олган боғ плантациялари ва иссиқхона хўжаликларининг ягона электрон реестрини шакллантирилади.
2019 йил 1 октябрга қадар етиштирилаётган қишлоқ хўжалиги маҳсулотларининг навлари, турлари ва прогноз кўрсаткичлари, пишиш вақти тўғрисидаги зарур маълумотларни олиш имконини берувчи ахборот платформаси ишга туширилади.
2020 йил 1 январга қадар муддатда мавжуд ер ости сув ресурсларининг миқдори ва сифати тўғрисидаги маълумотлар кўрсатилган ер ости сувлари хариталари ишлаб чиқилади.
Республикадаги боғдорчиликка ихтисослаштирилган туманларда «ишлаб чиқариш – тайёрлаш – сақлаш – қайта ишлаш – қадоқлаш (тара) – ташиш – ички ва ташқи бозорларга етказиб бериш» тамойили асосида мева савдо-логистика марказлари ташкил этилади.
Академик М.Мирзаев номидаги боғдорчилик, узумчилик ва виночилик илмий-тадқиқот институти Қишлоқ хўжалиги вазирлиги ҳузуридаги Боғдорчилик ва иссиқхона хўжалигини ривожлантириш агентлигига ўтказилади.
Изоҳ (0)