Президент фармони билан ташкил этилган Тошкент шаҳридаги Пучон университети бугунги кунда Алишер Навоий номидаги Тошкент давлат ўзбек тили ва адабиёти университети биносида ижарага жой олиб фаолият юритмоқда, деб ёзади ЎзА.
Университет мактабгача таълим муассасаларининг педагог кадрларга, архитектура ва дизайн соҳасида тажрибали мутахассисларга ва бошқа йўналишларда малакали кадрларга эҳтиёж борлигини ҳисобга олган ҳолда ташкил этилган.
Хабарда айтилишича, ҳозир бу ерда 540 нафар талаба таҳсил олмоқда. Уларнинг 240 нафари кундузги мактабгача таълим, яна шунчаси кечки мактабгача таълим ва қолган 60 таси корейс тили ва менежменти йўналишларида билим олмоқда.
«Алишер Навоий номидаги Тошкент давлат ўзбек тили ва адабиёти университети биносидан махсус икки қават биз учун ажратилган. Шароитлар етарли, дарслар аудиторияларда ва қўшимча хоналарда бўлиб ўтади. Янги биномиз таъмирланиш жараёнида, кузги ўқув йилида университет ўзининг биносида фаолият олиб бориши кўзда тутилган», — дейди дейди талабалар билан ишлаш бўлими ходими Малика Жўраева.
2018 йил қабул жараёнида уч мингга яқин ҳужжатлар келиб тушганини инобатга олган ҳолда 2019—2020-ўқув йилларида яна янги факультетлар ташкил этилиши кўзда тутилган.
Изоҳ (0)