Қашқадарё вилояти Касби туманида 1983 йил 20 июлда таваллуд топган Тоҳира Худойбердиеванинг 2006 йил 26 октябрь куни туғилган ўғли Дилшодбек Қурбонов жиддий дард билан олишмоқда. Унга ўткир лимфобластли лейкоз ташхиси қўйилган.
Онасининг айтишича, фарзанди Дилшодбек 2016 йилнинг февраль ойидан бери оғир бетоб.
Дилшодбекда касаллик аломатлари тана ҳароратининг кўтарилиши билан бошланган. Бир муддат ўтиб баданида кўкариш юзага келиб, Касби туманидаги юқумли касалликлар шифохонасида даволанган.
Бироқ, аҳволи яхши томонга ўзгариш ўрнига кундан кунга оғирлашавергач, Қашқадарё вилояти болалар кўп тармоқли тиббиёт маркази Гематология бўлимига текшириб, даволаниши учун мурожаат қилган. Бу ерда миелограмма таҳлилларига асосан «ўткир лейкоз» ташхиси қуйилиб, текширувларни, даволанишни давом эттириш учун Республика Гематология ва қон қуйиш институтига юборилган.
У марказда «ўткир лимфобластли лейкоз» ташхиси тасдиқланиб, стандарт хавф гуруҳи бўйича индуксия ремиссия курсини олган.
Бемор Дилшодбек бундан бир неча йил аввал мазкур касаллик билан оғриган. Касаллиги туфайли мактабдан ҳам қолиб кетган. Оила иложини қилиб бир неча босқичда боласини даволатган. Дилшодбек тузалиб кетган. Бироқ суйганига синовлар бергувчи Аллоҳ орадан 4 ой ўтиб яна шу касалликни берган. Ҳозирда оила жуда қийин аҳволда.
Дилшодбек спорт билан шуғулланмоқчи. Вақт ўтгач эса ҳарбий касбни танламоқчи. Муштипар она боласини барча соғлом болалардек ўйнаб-кулиб юришини истайди. Уйда таълим олаётган фарзандини тенгқурлари қатори мактабларда таҳсил олишини хоҳлайди.
Дилшодбекнинг навбатдаги кимётерапия муолажалари бошланиш арафасида. Лекин унинг ота-онаси ушбу касалликни даволовчи дориларни сотиб олиб беришга қийналади.
Дилшодбекнинг яқинларининг сўзларига кўра, ҳозирда ҳар бир курс муолажалари учун 2000 доллар атрофида маблағ талаб этилади. Шу кунгача ҳам унинг дорилари учун қариндошлардан қарз олишга мажбур бўлган оила ҳозирда 2500 доллар қарздорликка эга.
«Ўғлимни 2016 йилдан бери Тошкентдаги Гематология ва қон қуйиш илмий текшириш институти Онкогематология клиникаси 1-болалар бўлимида даволатиб келмоқдамиз. Оиламиз бор-йўғини сарфлаб бўлган. Ҳозирги кунда анча маблағга муҳтож бўлиб турибмиз. Мен шифохонада боламни ёнидаман, дадаси ишлайди. Топганлари рўзғордан, ижара тўловидан ортмайди.
Ўғлим чет элдан келадиган дорилар билан даволаниб келмоқда. Дорилари жуда қиммат. Даволаниш курсларини давом эттиришига моддий таъминотдан имкониятимиз етмай қолди. Ҳозирда асосий курс даволаниш муолажаларини олиб келмоқда. Асосий курс тугагач, қўшимча курслар бошланади.
Ҳар курсига жуда катта маблағ талаб этиляпти. Айни пайтда нархи қиммат бўлган кучли антибиотиклар олиб келмоқда.
Ҳозирда биз иқтисодий томондан қийналиб қолдик. Жуда қийин вазиятдамиз. Ҳозирда қиммат дори-дармонлари учун барибир қўлимиз калталик қиляпти. Шифокорлар айтишяптики, агар биз даволаниш курсини тўлиқ ўтасак, у насиб этса яхши бўлиб кетар экан. Аммо бунинг учун бизда маблағ етарли эмас.
Яхши инсонлар, бемор ўғлимга қўлингиздан келган ёрдамни аямасангиз»,— дейди Дилшодбекнинг онаси Тоҳира опа.
Хайрия қилмоқчи бўлганлар учун керакли маълумотлар:
Пластик карта орқали: (Click, Payme)
Отаси Ражабов Дилмурод номига очилган
Агробанк: 8600-0417-2154-6035
Хориждан банкдан маблағ юбормоқчи бўлганлар учун онасини паспорт маълумотлари:
Тоҳира Худойбердиева
Паспорт рақами: АБ 8898234
Онаси Тоҳира Худойбердиеванинг телефон рақами:
+99893 9085232
Изоҳ (0)